Կարո՞ղ է ձեր նախարարները սամուրայներ են, Դուք դավաճանել եք ժողովրդին. Խամոյանը՝ Փաշինյանին
«Հայաստան» խմբակցության պատգամավոր Ագնեսա Խամոյանի հարցին ի պատասխան՝ ԱԺ-Կառավարություն հարցուպատասխանի ժամանակ Նիկոլ Փաշինյանն անդրադարձել է իր թիմին և կառավարության անդամներին 3 մլրդ դրամ պարգևավճար բաժանելուն և նշել, որ իրենից դրա համար մեծ ճիգեր չեն պահանջվել, քանի որ այն գոյացել է, այդ թվում՝ պատգամավորի շրջապատի մարդկանց նախկինում հարկերից խուսափելու մեխանիզմը գործարկելուց:
Նշենք, որ պատգամավորը հարցադրում էր արել՝ «Ձեր նախարարները սամուրայնե՞ր են, Դուք դավաճանել եք ժողովրդին»:
«Դրա համար է, որ դա ձեզ այդպես մրմռացրել է։ Հեշտությամբ է արվել, քանի որ ես գիտեմ, որ Հայաստանում կա ավանդույթ, ենթադրում եմ, որ այսօր ձեր խմբակցությունում էլ կա այդ ավանդույթը, որ ծրարով փողեր եք ստանում ձեր ղեկավարի կողմից: Իմիջիայլոց, ես ինչքան գիտեմ՝ քրեական գործեր կան, որ այդ թվում՝ ՀՀ-ն ղեկավարած անձի ընտանիքի անդամը, ասենք, ճամպրուկով փողը մտնում էր Կառավարություն կամ ՀՀ նախագահի աշխատակազմ ու…
Պատկերացնո՞ւմ եք, որ ՀՀ բարձրաստիճան պաշտոնյան մի հատ դուրսպրծուկից ծրարով փող է ստանում, մի հատ էլ երևի ձեռքն էլ պիտի պաչեր: Ես պատասխանատու ասում եմ՝ 2018 թվականից էս կողմ, իմ վարչապետ ընտրվելու օրից էս կողմ ՀՀ կառավարությունում այդպիսի բան չի եղել և չի էլ լինելու: Այո՛, մեր պաշտոնյան չպետք է ենթակա լինի որևէ մեկին: Սովորել եք, հա՞, որ օլիգարխները դռներին քացով տալով մտնեն պաշտոնյաների մոտ։ Ոտքերը կջարդենք, հլը թող մեկը պատշաճ հարգանքով չմոտենա յուրաքանչյուր պետական օրգանի և պետական ինստիտուտի։ Ոտքերը կջարդենք»,- հայտարարել է Փաշինյանը:
Ինչ վերաբերում է թոշակառուներին, նա պնդեց, որ 2018 թվականից մինչ օրս թոշակները մի քանի անգամ բարձրացել են տարբեր որոշումներով:
«Նվազագույն կենսաթոշակը կրկնապատկվել է»,- նշել է Փաշինյանը:
Պատգամավորի դիտարկմանը՝ թալանածը ժողովրդին բաժանեք, և ոչ թե ձեր մեջ, Փաշինյանը պահանջել է ասել, թե «Հայաստան» խմբակցությունն ամիսը որքան գումար է ծրարով ստանում Ռոկբերտ Քոչարյանից, որտեղից նրան այդ փողը:
«Փաստարկված է՝ կոնկրետ մարդիկ կան, որ Միշիկից ծրարով փող են ստացել ժամանակին, հիմա էլ նստած են էս դահլիճում»,- շարունակել է Փաշինյանը:
Մանրամասները՝ տեսանյութում:
