Լուվրի կայսերական զարդերը որոնելիս չենք սահմանափակվում միայն Ֆրանսիայով․ Փարիզի գլխավոր դատախազ
Լուվրից գողացված կայսերական զարդերի որոնումն այս պահին ևս առաջնային է, և քննիչները վճռական են տրամադրված դրանք գտնելու հարցում․ գրում է AFP լրատվական գործակալությանը։ Փարիզի գլխավոր դատախազ Լոր Բեքուան լրատվամիջոցին ասել է, որ 102 միլիոն դոլար ընդհանուր արժողությամբ գողացված ցուցանմուշների մեծ մասը դեռևս չի հայտնաբերվել։
«Քննչական գործողություններով էական նոր հանգամանքներ չեն բացահայտվել կամ պարզվել։ Բայց մեզ համար զարդերը հայտնաբերելը շարունակում է առաջնային խնդիր լինել։ Չունենք նաև տեղեկություն, որ թանկարժեք քարերը, գուցե, մեր երկրից դուրս են հանվել։ Բայց քանի որ ոչինչ բացառել չի կարելի, զարդերը որոնելիս միայն Ֆրանսիայով չենք սահմանափակվում»,- մանրամասնել է նա:
