Բողոքի ցույցերի ժամանակ մեծ թվով մարդիկ են զոհվել. Իրանի փոխնախագահ
Վերջին օրերին Իրանում բռնկված բողոքի ցույցերի հետևանքով զոհերի թիվը մեծ է. «ՌԻԱ նովոստի»-ի փոխանցմամբ, հայտարարել է «Մարտիրոսվածների հիմնադրամի» ղեկավար և Իսլամական Հանրապետության փոխնախագահ Ահմադ Մուսավին։
Երեքշաբթի օրը Reuters-ը, հղում անելով իրանցի պաշտոնյայի, հայտնել էր, որ Իրանում տեղի ունեցած բողոքի ցույցերի հետևանքով զոհվել է մոտ 2000 մարդ։
«Զինված ահաբեկչական խմբավորումների կողմից բռնության մակարդակն այնքան բարձր էր, որ երկիրը մեծ կորուստներ կրեց (բնակչության շրջանում)»,- Մուսավիի խոսքերն է մեջբերում IRIB լրատվական գործակալությունը։
Փոխնախագահը ընդգծել է այն դաժանությունը, որով մարդիկ սպանվել են, և օգտագործված զենքերի բազմազանությունը։ Նա չի նշել զոհերի թիվը, ասել է, որ մահացածների ընդհանուր թվի երկու երրորդը «Մարտիրոսված» են: Վերջինը տերմին է, որն Իրանի իշխանությունները օգտագործում են ահաբեկչական հարձակումների զոհ դարձած կամ պետական պարտականությունները կատարելիս մահացած անձանց նկարագրելու համար։
