Թրամփը սպառնացել է արգելել նավթային հսկային գործունեություն ծավալել Վենեսուելայի շուկայում
ԱՄՆ իշխանությունները կարող են արգելել ամերիկյան Exxon Mobil նավթային հսկային աշխատել Վենեսուելայի հումքային շուկայում: Այս մասին հայտարարել է ԱՄՆ նախագահ Դոնալդ Թրամփը, հաղորդում է РИА Новости-ն:
Սպիտակ տան ղեկավարը այս հայտարարությունն արել է այն բանից հետո, երբ Exxon Mobil-ի գործադիր տնօրեն Դարեն Վուդսը հայտնել է, որ Վենեսուելայի հումքային շուկան գրավիչ չէ օտարերկրյա ներդրողների համար։ Նման մեկնաբանությունը չի գոհացրել Թրամփին։ «Ինձ դուր չեկավ նրանց արձագանքը… Ես հակված եմ Exxon-ին մի կողմ թողնել»,- եզրափակել է ԱՄՆ նախագահը։
