Թրամփը չեղարկել է Վենեսուելայի վրա նոր հարձակումները
Վաշինգտոնը հրաժարվել է Վենեսուելայի վրա հարձակումների նոր ալիքից՝ Կարակասի հետ համագործակցության շնորհիվ, հայտարարել է ԱՄՆ նախագահ Դոնալդ Թրամփը։
«ԱՄՆ-ն և Վենեսուելան շատ լավ են համագործակցում։ <…> Այս համագործակցության շնորհիվ ես չեղարկել եմ նախկինում սպասվող հարձակումների երկրորդ ալիքը»,- գրել է նա Truth Social սոցիալական հարթակում։
Սպիտակ տան ղեկավարի խոսքով՝ Վենեսուելայի իշխանությունները սկսել են ազատ արձակել մեծ թվով քաղբանտարկյալների և նաև հաջողությամբ համագործակցում են Միացյալ Նահանգների հետ նավթի և գազի ենթակառուցվածքների հարցերում։
