Յամալ 6+8. Ինչպե՞ս լռեցնել հեգնողներին 99,5% ճշգրտությամբ

Պուբալգիայից ապաքինվելուց հետո Լամին Յամալը սոցցանցերում բազմաթիվ հեգնական մեկնաբանությունների թիրախ էր դարձել։ Օգտատերերը քննարկում էին նրա անձնական կյանքը, հարաբերություններն ու «նոր հետաքրքրությունները»՝ պնդելով, թե ֆուտբոլը երիտասարդ տաղանդի համար մղվել է երկրորդ պլան։

Այնուամենայնիվ, Յամալի պատասխանը եղավ առավել քան պարզ և համոզիչ. «Բարսելոնայի» վերջին 8 հանդիպումներում Լամինը մասնակցել է բոլոր խաղերին՝ դաշտում անցկացնելով 717 րոպե՝ հնարավոր 720-ից (խաղաժամանակի 99,5%-ը)։ Սակայն վիճակագրությունն է՛լ ավելի տպավորիչ է. վերադարձից հետո նա արդեն հեղինակել է 6 գոլ և 8 գոլային փոխանցում։ Ոչ մի դադար, ոչ մի զիջում և առավելագույն ծանրաբեռնվածություն։

18 տարեկանում լավագույն ապացույցը ոչ թե խոսքերն են, այլ գործը։ Յամալն ընտրեց հենց այդ ճանապարհը։

Armsport.am