Մեծ Բրիտանիայի թագավորը կիսվել է քաղցկեղի դեմ իր բուժման մասին նորություններով
Մեծ Բրիտանիայի թագավոր Չարլզը «լավ նորություններ» է հայտնել քաղցկեղի բուժման մասին՝ ասելով, որ վաղ ախտորոշումը և «արդյունավետ միջամտությունը» նշանակում են, որ նոր տարում իր բուժումը կարող է կրճատվել, հայտնում է BBC News-ը։
«Պայքարիր քաղցկեղի դեմ» արշավի շրջանակներում Channel 4-ով հեռարձակված տեսաուղերձում Մեծ Բրիտանիայի թագավորն ասել է. «Այս կարևոր իրադարձությունը և՛ անձնական օրհնություն է, և՛ քաղցկեղի բուժման ոլորտում արձանագրված նշանակալի առաջընթացի վկայություն»։
Բուքինգհեմյան պալատը հայտարարել է, որ թագավորի ապաքինումը հասել է շատ դրական փուլի և նա «բացառիկ լավ է արձագանքում բուժմանը», այնքանով, որ բժիշկները այժմ նրա բուժումը կտեղափոխեն «նախազգուշական փուլ»։
Բուժման հաճախականությունը զգալիորեն կնվազի, սակայն 77-ամյա թագավորը չի ասում, որ գտնվում է ռեմիսիայի մեջ կամ «բուժվել է»։
