Ղարաբաղում աշխատող թուրք շինարարն Էրդողանին բողոքել է Ալիևների ընտանիքից. eadaily
Toplum TV-ն հայտնում է, որ Ղարաբաղում շինարարական աշխատանքներ իրականացնող թուրքական Arenol Group ընկերության տնօրեն Թոլգա Շահինը դիմել է Թուրքիայի նախագահ Էրդողանին՝ բողոքելով Ալիևների ընտանիքի դեմ։
Վերջինս պնդում է, որ այն գումարները, որոնք պետք է մտնեին ընկերություն, մսխվել են, որ իր գործարաններն առգրավել են, իսկ իրեն սպառնացել են։ Իր ուղերձում թուրք գործարարը բողոքում է Ալիևից, նրա կին Մեհրիբան Ալիևայից և նրանց դուստր Լեյլայից:
«Մենք թուրքական ընկերություններից մեկն ենք, որոնք հրավիրված են օգնելու Ղարաբաղի վերականգնմանը։ Մենք 44 նախագիծ ենք իրականացրել Լաչինում և Քելբաջարում՝ ներառյալ դպրոցներ, գործարաններ, հյուրանոցներ և ռազմական զորանոցներ։ Նախագահ Իլհամ Ալիևը և Մեհրիբան Ալիևան անձամբ ներկա են գտնվել մեր բացման արարողություններին: Պարոն Նախագահ, մեր ողջ գույքն ու միջոցները բռնագրավվել են Լեյլա Ալիևայի անունով: Իրավիճակի մասին տեղեկացրել ենք Թուրքիայի դեսպան Ջավիթ Բալջիին։
«Նրանք կփչացնեն իմ հեղինակությունը, հանգստացեք»: Պարոն նախագահ, նրանք ներխուժեցին մեր տուն՝ ներկայանալով որպես կեղծ ոստիկաններ։ Թուրք գործարարի տնից առգրավվել է զենք։ Մեզ հետ ավելի վատ են վարվել, քան հայերի հետ։ Մենք խնդրում ենք ձեր օգնությունը»,– հայտարարել է Շահինը։
Թարգմանությունը՝ Ժաննա Ավետիսյանի
