Թուրքիայով օգնության ցորեն բերեցինք, իրենց էլ տվեցինք ցորենից, որ սահմանը բացեն, գա. Հրանտ Բագրատյան
«Պրեսսինգ» հաղորդաշարում ՀՀ նախկին վարչապետ, «Ազատություն» կուսակցության նախագահ Հրանտ Բագրատյանը, ի թիվս այլ օրակարգային խնդիրների, խոսեց նաև 1993թ. Թուրքիայից Հայաստան ցորեն բերելու համար հայ-թուրքական սահմանը բացելու մանրամասների մասին:
«Հայ-թուրքական սահմանը փակ է եղել ի սկզբանե, իրենց իսկ՝ թուրքական կողմի նախաձեռնությամբ։ Երբ վարչապետ էի, բլոկադայի տարիներին, այլ երկրներից մեզ որպես օգնություն տրվող ցորեն էինք բերում, Թուրքիային խնդրեցինք՝ սահմանը բացել, որպեսզի ներկրենք Հայաստան: Իրենց էլ այդ ցորենից թողեցինք, որպեսզի սահմանը բացեն, մեր ցորենը գա։
Թուրքիան ցորեն չունի, դրա համար իրենց էլ տվեցինք: Այնպես որ, Թուրքիան իր ծառայությունների, սահմանը բացելու դիմաց վճարվել է ցորենով։ Քելբաջարի գրավումը դրա հետ որևէ կապ չունի, Ժիրայր Լիպարիտյանը սխալ է ներկայացնում»,- ասել է Հրանտ Բագրատյանը:
Մանրամասները՝ տեսանյութում:
