Ռուսաստանը ցանկանում է թուլացնել Լեհաստանին, քանի որ այն չափազանց ուժեղ է․ Դոնալդ Տուսկ
Ռուսաստանը ցանկանում է թուլացնել Լեհաստանին, քանի որ այն չափազանց ուժեղ է. ինչպես գրում է Lidovky.cz-ը, հայտարարել է Լեհաստանի վարչապետ Դոնալդ Տուսկը։
«Ռուսաստանը ցանկանում է թուլացնել մեզ ցանկացած գնով, քանի որ Լեհաստանն այսօր չափազանց ուժեղ է անմիջական հարձակման ենթարկվելու համար», – ասել է նա։
Լեհաստանի կառավարության ղեկավարի խոսքով՝ Մոսկվայի ռազմավարությունը հստակ է, և նրա նպատակն է Եվրոպայի, Ուկրաինայի և, ամենից առաջ, հենց լեհերի դեմ հանել Լեհաստանին։
Ավելի վաղ Ռուսաստանի արտաքին գործերի նախարարության խոսնակ Մարիա Զախարովան Գդանսկում Ռուսաստանի գլխավոր հյուպատոսության փակումը կապել էր Լեհաստանի «քարանձավային ռուսաֆոբիայի» հետ։ Դիվանագետը զգուշացրել էր, որ Մոսկվան նույն կերպ կպատասխանի Վարշավայի գործողություններին։
