Մեքսիկայում քաղաքապետին գնդակահարել են Մեռյալների օրվա տոնակատարության ժամանակ
Մեքսիկայի Ուրուապան քաղաքի քաղաքապետ Կառլոս Մանսոն սպանվել է Մեռյալների օրվա տոնակատարության ժամանակ։ Դեպքի մասին հաղորդում է Milenio թերթը։
«Ուրուապան քաղաքի քաղաքապետ Կառլոս Մանսոն սպանվել է Մեռյալների օրվա միջոցառման ժամանակ տեղի ունեցած զինված հարձակման ժամանակ»,-հաղորդում է թերթը։
Քաղաքական գործիչը ստացել է վեց հրազենային վերք և մահացել հիվանդանոցում։ Կրակոցների ժամանակ վիրավորվել է նաև մեկ այլ անձ։
Ոստիկանությունը ձերբակալել է հարձակվողներից երկուսին, իսկ երրորդը սպանվել է։
