ՊՆ ՌՈ պաշտոնատար անձը մեղադրվում է զորակոչիկին տարկետում տրամադրելու գործընթացը կազմակերպելու համար 7,500 դոլար կաշառք ստանալու մեջ

Գերմանիան պլանավորում է 2026 թվականին 377 միլիարդ եվրո ծախսել բոլոր զորատեսակների համար զենքի և տեխնիկայի ձեռքբերման նպատակով: Այս մասին հաղորդել է POLITICO եվրոպական հրատարակությունը՝ վկայակոչելով կառավարության փաստաթուղթը:

Պարբերականի տվյալներով՝ Բունդեսվերը պլանավորում է 2026 թվականին գործարկել զենքի և ռազմական սարքավորումների մշակման մոտ 320 նախագիծ:

178 նախագծերի համար արդեն որոշվել են կապալառուները, ընդ որում՝ դրանցից 160-ը կապված են գերմանական ընկերությունների հետ, մյուսները «դեռևս գտնվում են քննարկման փուլում»: 

Ակնկալվում է, որ մինչև 2035 թվականը գերմանական բանակին կմատակարարվեն 687 Puma հետևակի մարտական ​​մեքենա և անօդաչու թռչող սարքերի հակազդման 561 Skyranger համակարգեր:

Բացի այդ, պլանավորվում է ընդլայնել արբանյակային ծրագիրը։

Հիմնականում բոլոր գնումները կիրականացվեն 2026 թվականին, սակայն մի քանի կետեր վերաբերում են երկարաժամկետ գնումներին, որոնց համար հստակ ժամկետներ չկան: