Հունգարիա այցելելու դեպքում Պուտինին չեն ձերբակալի. Սիյարտո
Հունգարիայի արտաքին գործերի նախարար Պետեր Սիյարտոն հայտարարել է, որ Բուդապեշտը չի ձերբակալի Ռուսաստանի նախագահ Վլադիմիր Պուտինին Միջազգային քրեական դատարանի (ՄՔԴ) կողմից ներկայացված հայցի հիման վրա, եթե նա այցելի իր երկիր՝ ԱՄՆ նախագահ Դոնալդ Թրամփի հետ հանդիպման։ Այս մասին նա ասել է CNN-ին տված հարցազրույցում։
«Ինչ վերաբերում է ՄՔԴ-ին, ապա նախագահ Պուտինն այս ամռանն այցելել է Միացյալ Նահանգներ և չի ձերբակալվել։ Եթե նա գա Հունգարիա, նրան այնտեղ նույնպես չեն ձերբակալի», – նշել է նա։
Սիյարտոն գտնվում է Վաշինգտոնում, որտեղ քննարկումներ է անցկացնում Բուդապեշտում Թրամփ-Պուտին հնարավոր գագաթնաժողովի նախապատրաստման վերաբերյալ։
Նախորդ շաբաթ Թրամփը հայտարարել էր, որ Պուտինի հետ շուտով կհանդիպեն Հունգարիայում՝ փորձելու վերջ դնել ռուս-ուկրաինական հակամարտությանը։
