Երևան-Երասխ ճանապարհին բեռնատար է շրջվել․ վարորդը մահացել է
Երևան-Երասխ ավտոճանապարհին՝ Այնթապի կամրջի մոտակայքում, բեռնատար է շրջվել, կան տուժածներ և զոհ։ Տեղեկությունը հայտնում է ՀՀ ՆԳՆ փրկարար ծառայությունը։
Դեպքի վայր մեկնած փրկարարները պարզել են, որ «Ford» մակնիշի բեռնատարը դուրս է եկել ճանապարհի երթևեկելի հատվածից, հայտնվել դաշտամիջյան հատվածում և շրջվել։ Վարորդը մահացել է, իսկ երկու ուղևոր ավտոմեքենայից դուրս են բերվել տեղի ուժերով և տեղափոխվել բժշկական կենտրոն:
