Հյուսիսային Կիպրոսը պետք է միանա Թուրքիային. թուրք պատգամավոր
Հյուսիսային Կիպրոսի Թուրքական Հանրապետությունը պետք է միանա Թուրքիային։ Այս մասին հայտարարել է Թուրքիայի խորհրդարանի պատգամավոր, «Ազգայնական շարժում» կուսակցության առաջնորդ Դևլեթ Բահչելիին:
Նա Հյուսիսային Կիպրոսի Թուրքական հանրապետության խորհրդարանին կոչ է արել շտապ քվեարկություն անցկացնել Թուրքիայի Հանրապետությանը միանալու վերաբերյալ:
Որպես անկախ պետություն` Հյուսիսային Կիպրոսի Թուրքական Հանրապետությունը ճանաչված է միայն Թուրքիայի կողմից, որը, ըստ ՄԱԿ-ի բանաձևերի օկուպացնում է այս տարածքը:
Թուրքիան զավթել և օկուպացիայի է ենթարկել Կիպրոսի Հանրապետության հյուսիսային հատվածը 1974 թվականի ներխուժման ժամանակ։ Աշխարհի պետությունների մեծ մասը համարում է, որ Հյուսիսային Կիպրոսը Կիպրոսի Հանրապետության օկուպացված տարածքն է։
