Գյումրու քաղաքապետի պարտականությունները կկատարի Վարդան Ղուկասյանի փեսան. Sputnik Արմենիա
Գյումրու կալանավորված համայնքապետ Վարդան Ղուկասյանի պարտականություններն ի պաշտոնե կկատարի առաջին տեղակալ Ավետիս Առաքելյանը։ Sputnik Արմենիայի հետ զրույցում այս մասին ասել է համայնքապետի խորհրդական Լիլիթ Աղեկյանը։
Նա հավելել է՝ գործադուլ չկա։
«Բնականոն աշխատանք է, բոլորը նորմալ եկել են գործի։ Գործադուլ անենք, որ բոլորը ուրախանա՞ն»,- նշել է Աղեկյանը։
Նշենք, որ Ավետիս Առաքելյանը Վարդան Ղուկասյանի դստեր ամուսինն է, նա Հայաստանի Կոմունիստական կուսակցության ավագանու ցուցակի երկրորդ համարն էր զբաղեցնում։
