Արթուր Չախոյանին ծեծելու վերաբերյալ հաղորդում է ներկայացվել ոստիկանություն. 1 անձ ձերբակալվել է
Ակտիվիստ Արթուր Չախոյանին ծեծելու վերաբերյալ հաղորդում է ներկայացվել Ոստիկանություն։ Այս մասին հայտնել է Ներքին գործերի նախարարի մամուլի խոսնակ Նարեկ Սարգսյանը։
«ՆԳՆ ոստիկանությունում ստացվել է ֆիզիկական ներգործության վերաբերյալ հաղորդում։ Համայնքային ոստիկանության Նոր Նորքի բաժնի ծառայողները 1 անձի ձերբակալել են։ Ձեռնարկվում են միջոցառումներ միջադեպի մյուս մասնակիցներին հայտնաբերելու ուղղությամբ»,- ասել է Սարգսյանը։
Ավելի վաղ Երևանի ավագանու «Մայր Հայաստան» խմբակցության անդամ Մեսրոպ Մանուկյանը «Ֆեյսբուք»-ի իր էջում գրել էր, որ կազմակերպված խմբով հարձակվել են Արթուր Չախոյանի վրա՝ ծեծել նրան և գողացել հեռախոսը։
