Հայտնի է դարձել, որ Ռամիզ Մեհդիևի հետ համագործակցել է նաև Ադրբեջանի նախկին նախարար Մամեդյարովը
Ադրբեջանական լրատվամիջոցներին հայտնի են դարձել այն մարդկանց անունները, որոնք համագործակցել են Ռամիզ Մեհդիևի հետ: Դրանց թվում է նաև Ադրբեջանի նախկին արտգործնախարար Էլմար Մամեդյարովը:
Նշենք, որ Բաքվի դատարանը չորս ամսով տնային կալանքի է ենթարկել Ադրբեջանի նախագահի աշխատակազմի նախկին ղեկավար և Անվտանգության խորհրդի անդամ Ռամիզ Մեհտիևին: Նա մեղադրվում է իշխանությունը զավթելու փորձի, պետական դավաճանության և փողերի լվացման մեջ։
«Вести Баку» թերթն էր օրերս տեղեկացրել.«Անանուն աղբյուրից գործակալության ստացած տեղեկատվության համաձայն՝ պետության ղեկավարի դեմ հեղաշրջման փորձը մշակվել է 2024 թվականի դեկտեմբերյան իրադարձություններից շատ առաջ։ Զրուցակիցը պնդում է, որ պլանը կազմվել է հստակ սցենարով, դերերի բաշխմամբ և արտաքին համակարգմամբ։ Գործողության կենտրոնական դեմքը Ռամիզ Մեհդիևն էր՝ մի մարդ, որը տասնամյակներ շարունակ վերահսկում էր երկրի վարչական մեխանիզմը»:
