ԱՄՆ-ը չի կարողանում վճարել իր միջուկային զինանոցն արդիականացնող տասնյակ հազարավոր աշխատողների աշխատավարձը
ԱՄՆ միջուկային զենքի նախագծման, մշակման, պահպանման և անվտանգության համար պատասխանատու գործակալությունը բախվում է կրճատումների, իսկ նրա կապալառուները շուտով կբախվեն զանգվածային արձակուրդների՝ դաշնային կառավարության աշխատանքի դադարեցման պատճառով, USA TODAY-ին հայտնել է ԱՄՆ էներգետիկայի նախարար Քրիս Ռայթը։
«Հաջորդ շաբաթվանից սկսած ստիպված կլինենք արձակուրդ ուղարկել տասնյակ հազարավոր աշխատողների, որոնք կարևոր են մեր ազգային անվտանգության համար», – նշել է նա։
Ռայթն ընդգծել է, որ անվտանգության ծառայության և արտակարգ իրավիճակների աշխատակիցները կշարունակեն ծառայել։ «Մենք կպահպանենք առկա զինանոցը անվնաս և ամբողջական տեսքով»,- ասել է նա։
Սակայն նախարարը զգուշացրել է, որ հետագա խափանումները կարող են հանգեցնել նրան, որ գործակալությունը կկորցնի այն տաղանդավոր մասնագետներին, որոնք խիստ անհրաժեշտ են միջուկային արդիականացման ծրագրի որոշակի մասերի վրա աշխատանքը վերսկսելու համար։
Գործակալության որոշ դաշնային աշխատակիցներ ծանուցում են ստացել, որ արձակուրդները կարող են սկսվել արդեն հոկտեմբերի 17-ից։
