Սպերցյանը հեռացվել է «Տարվա ջենթլմեն» մրցանակի հավակնորդների ցուցակից
Ռուսաստանի չեմպիոն «Կրասնոդարի» ավագ, Հայաստանի հավաքականի կիսապաշտպան Էդուարդ Սպերցյանը հեռացվել է ռուսական ֆուտբոլի «Տարվա ջենթլմեն» մրցանակի հավակնորդների ցուցակից, հաղորդում է champioant.com-ը։ Մրցանակը շնորհվում է արդար խաղի, օրինակելի վարքի եւ վեհանձնության համար։
Ռուսական մամուլի ենթադրությամբ՝ Սպերցյանը ցուցակից հեռացվել է «Ախմատի» սեւամորթ պաշտպան Ուսման Նդոնգի հետ միջադեպի պատճառով։
Ռուսաստանի առաջնության 11-րդ տուրի խաղում (2:0) Նդոնգը հարվածել էր Սպերցյանի դեմքին եւ հեռացվել։ Հայ ֆուտբոլիստը դեղին քարտ էր ստացել սադրանքի համար։ Ռուսաստանի ֆուտբոլային միության Կարգապահական կոմիտեն Սպերցյանին տուգանել էր 150 հազար ռուբլիով Նդոնգին անպատվելու համար։
