Ինդոնեզիայում հրաբուխ է ժայթքել
Ինդոնեզիայում տեղի է ունեցել Լևոտոբի Լակի-լակի հրաբխի հերթական ժայթքումը, որի արդյունքում մոխրի սյուն է գրանցվել 4000 մետր բարձրության վրա: Այս մասին հաղորդում է ինդոնեզական Metro TV հեռուստաալիքը։
Նախորդ ժայթքումը տեղի է ունեցել չորեքշաբթի օրը։
«Լևոտոբի Լակի-լակի հրաբուխը, որը գտնվում է Արևելյան Ֆլորեսում, Արևելյան Նուսա Թենգարայում, կրկին ժայթքել է այսօր վաղ առավոտյան»,- հաղորդում է հեռուստաալիքը։
Հաղորդվում է, որ ժայթքումը տեղի է ունեցել վաղ առավոտյան, և մոխրի սյուն է դիտվել գագաթնակետից մոտավորապես 4000 մետր բարձրության վրա։ Դրան հաջորդել է մեկ այլ փոքր ժայթքում, որը առաջացրել է մոխրի սյուն, որը հասել է 1500 մետրի։
