Սպերցյանը չի որակազրկվել. տուգանվել է
Ռուսաստանի ֆուտբոլային միության վերահսկողական և կարգապահական կոմիտեն որոշում է կայացրել «Ախմատի» պաշտպան Ուսմանե Նդոնգի և Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանի հետ կապված միջադեպի վերաբերյալ. ՌՊԼ աշխարհի առաջնության 11-րդ տուրի խաղից հետո Նդոնգը Սպերցյանին մեղադրել էր ռասիստական վիրավորանքի մեջ, ինչը հայ ֆուտբոլիստը հերքել էր:
championat.com-ի հաղորդմամբ` Վերահսկողության և կարգապահական կոմիտեն որևէ ապացույց չի գտել, որ Կրասնոդարի ավագն իրականում ռասիստական վիրավորանք է հասցրել մրցակցին: Նա չի որակազրկվել, բայց տուգանվել է վարքագծի համար:
«Մենք նոր հոդված ունենք։ Սպերցյանի խոսքերը չեն ներառվել արձանագրության մեջ. նա չի հեռացվել, պատիժը տուգանք է։ ՌՖՄ-ի վերահսկիչ-կարգապահական կոմիտեն Սպերցյանին տուգանել է 150,000 ռուբլով վիրավորական վարքագծի համար՝ առանց հեռացման։
ՌՖՄ-ի վերահսկիչ-կարգապահական կոմիտեն դադարեցրել է խաղի պատվիրակի կողմից հնարավոր ռասիստական վիրավորանքի ձայնագրության վերաբերյալ վարույթը», – ասել է Ռուսաստանի ֆուտբոլային միության վերահսկողական և կարգապահական կոմիտեի ղեկավար Արթուր Գրիգորյանցը։
Հիշեցնենք, որ ՌՊԼ-ի 11-րդ տուրի «Ախմատի» դեմ կայացած խաղում (2։0) մրցակցի պաշտպան Ուսման Նդոնգը Սպերցյանի ծնոտին հարվածելու համար կարմիր քարտով հեռացվել էր խաղադաշտից։ Խաղից հետո տված հարցազրույցում նա մեղադրել էր Սպերցյանին իր հասցեին ռասիստական վիրավորանքներ հնչեցնելու մեջ։
Էդուարդ Սպերցյանը հերքել է դա և ասել, որ Նդոնգը հայհոյել է իրեն։
Այս սկանդալից հետո Էդուարդ Սպերցյանը կարող էր որակազրկվել մինչև 10 խաղով, եթե ապացուցվեր, որ կիսապաշտպանը ռասիստական վիրավորանքներ է հասցրել Ուսմանե Նդոնգին։
