Անկարայում հանդիպել են Ադրբեջանի ու Թուրքիայի պաշտպանության նախարարները
Զաքիր Հասանովն ու Յաշար Գյուլերը հանդիպել են Անկարայում: Ըստ լրատվամիջոցների՝ կողմերը շեշտել են, թե երկու երկրների եղբայրական և ռազմավարական դաշնակցային հարաբերությունները զարգանում են բոլոր, այդ թվում՝ ռազմական ուղղություններով։
«Ընդգծվել է նման հանդիպումների կարևորությունը երկկողմ կապերի ամրապնդման համատեքստում, և վստահություն է արտահայտվել համագործակցության հաջող զարգացման հարցում։
Քննարկվել են նաև տարածաշրջանային խնդիրներ»,- նշվում է հանդիպման մասին ադրբեջանական և թուրքական հրապարակումներում։
