Ձեզ թվում է՝ գիշերը չեմ քնում, վարչապետ դառնալու մասի՞ն եմ մտածում. Ռոբերտ Քոչարյան
«Համագործակցությունն ընդդիմադիր դաշտում անհրաժեշտություն է»,- այս մասին այսօր լրագրողների հետ հանդիպմանն ասաց ՀՀ երկրորդ նախագահ Ռոբերտ Քոչարյանը, անդրադառնալով ընդդիմադիր դաշտում համագործակցության հնարավորություններին։
Նա նշեց, որ շատ է խոսվում ընդդիմադիր դաշտում կոնսոլիդացիայի մասին, սակայն ընդհանրապես այդ բառը սխալ է օգտագործվում։
Նրա խոսքով, կոնսոլիդացիա՝ նշանակում է միավորում, ոչ թե համագործակցություն, այլ միավորումը պարզապես իրատեսական չէ։ Իսկ համագործակցություն, Քոչարյանի խոսքով, իհարկե, կարող է լինել նախընտրական շրջանում, ինչպես նաև այն ուժերի միջև, որոնք կանցնեն խորհրդարան։
«Համագործակցությունը ձևական չէ, տվյալ դեպքում անհրաժեշտություն է նաև ապագա խորհրդարանում։ Առանց դրա այսօրվա սոցիոլոգիան ցույց է տալիս, որ հնարավոր չէ»,- ասաց նա։
