Չենինգ Տատումը և Օսկար Այզեքը կնկարահանվեն քրեական թրիլերում
Դերասաններ Չենինգ Տատումը և Օսկար Այզեքը կգլխավորեն «Խավարասեր» նոր նախագիծը, հաղորդում է Deadline-ը։
Քրեական թրիլերի սյուժեն կծավալվի Նյու Յորքում։ Գլխավոր հերոսը խորհրդավոր անծանոթ է, որը դառնում է մաֆիայի ղեկավար։ Ֆիլմը հիմնված է Ուիլյամ Լաշների (ով գրում է Թայլեր Նոքս կեղծանունով) համանուն վեպի վրա։
«Խավարասեր» ֆիլմի ռեժիսորը կլինի Մեթ Ռոսը։ Սցենարը ադապտացրել է Ջոնաթան Էյմսը։ Դերերից մեկը կկատարի Զազի Բիթցը։ Նախագիծն առաջին անգամ կներկայացվի այս աշնանը Տորոնտոյի կինոշուկայում։
