Սամվել Ալեքսանյանի ընտանեկան բիզնեսը հերթական արտոնությունն է ստացել
Կառավարությունը հերթական հարկային արտոնությունն է տվել Սամվել Ալեքսանյանի ընտանեկան բիզնեսներից մեկին։
Այս անգամ արտոնությունը ստացել է «ԱԼԵՔՍ ՖԱԲՐԻԿԱ» ընկերությունը։
Ըստ Կառավարության ընդունած որոշման՝ այս ընկերությունը ներդրումային ծրագիր է իրականացնում, որի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից կազատվեն։
Ծրագրի շրջանակներում նախատեսվում է իրականացնել 337 մլն դրամի ներդրում հումքի ձեռքբերման համար։
Ներկայումս առկա է 42 աշխատատեղ՝ 160.000 դրամ միջին ամսական աշխատավարձով։
Ներդրումային ծրագրի շրջանակներում մինչև 2028 թվականը նախատեսվում է աշխատատեղերի քանակը հասցնել մինչև 52-ի՝ 200.000 դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է 337 մլն դրամ:
Մաքսատուրքից ազատման արտոնությունը գնահատվում է 30 մլն դրամ։
Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։
