Դաշնային պահուստային համակարգի կառավարիչը դատի է տվել Թրամփին՝ իրեն աշխատանքից ազատելու փորձից հետո
ԱՄՆ դաշնային պահուստային համակարգի կառավարիչ Լիզա Քուքը օգոստոսի 28–ին դատական հայց է ներկայացրել՝ պնդելով, որ ԱՄՆ նախագահ Դոնալդ Թրամփը լիազորություններ չունի իրեն պաշտոնից ազատելու համար:
Այս մասին հայտնում է Reuters–ը:
Քուքի դատական հայցում ասվում է, որ Դոնալդ Թրամփը խախտել է դաշնային օրենքը, որը թույլ է տալիս նախագահին ազատել Դաշնային պահուստային համակարգի կառավարչին միայն հիմնավոր պատճառի առկայության դեպքում:
Թրամփը օգոստոսի 25-ին հայտարարել է, որ կազատի Քուքին պաշտոնից։ Թրամփը մեղադրել է Քուքին 2021 թվականին՝ Դաշնային պահուստային համակարգի կառավարիչ մարմնին միանալուց մեկ տարի առաջ, հիփոթեքային խարդախություն կատարելու մեջ։Քուքն այդ պաշտոնին նշանակվել է 2022–ին Ջո Բայդենի կողմից:
