Վուդի Ալենը սիրո խոստովանություն է արել ռուսական կինոյին
Ամերիկացի ռեժիսոր Վուդի Ալենը, ով չորս անգամ արժանացել է «Օսկար» մրցանակի, հայտարարել է ռուսական կինոյի հանդեպ իր սիրո մասին։ Նրան մեջբերում է РИА Новости-ն։
Կինոռեժիսորը միացել է առցանց տեսազանգին՝ Մոսկվայի միջազգային կինոշաբաթի շրջանակներում։ Նա զրուցել է ռեժիսոր Ֆյոդոր Բոնդարչուկի հետ։
«Ես եղել եմ Մոսկվայում և Սանկտ Պետերբուրգում։ Ինձ միշտ դուր է եկել ռուսական կինոն։ Ես մի քանի տարի առաջ Նյու Յորքում հանդիպել եմ Սերգեյ Բոնդարչուկին։ Ես մեկ օրում դիտեցի ռուսական «Պատերազմ և խաղաղություն» ֆիլմը, որը տևում է գրեթե յոթ ժամ»,- ասել է Վուդի Ալենը:
