«Սատանան կրում է Պրադա» ֆիլմի շարունակությունում կցուցադրվի գլխավոր հերոսներից մեկի հուղարկավորությունը
Համացանցում հայտնվել են «Սատանան կրում է Պրադա» հայտնի ֆիլմի շարունակության նկարահանումներից նոր լուսանկարներ, որոնցում օգտատերերը նկատել են մի տեսարան, որը նման է հուղարկավորության: Լուսանկարները հրապարակվել են Glamour-ի կողմից։
Կադրերում երևում են դերասաններ Էն Հեթուեյը և Սթենլի Տուչին: Երկրպագուների վարկածներից մեկի համաձայն, այս տեսարանում գլխավոր հերոսները հրաժեշտ են տալիս ֆիլմի հիմնական կերպարներից մեկին: Հետաքրքիր է, որ Մերիլ Սթրիփը և Էմիլի Բլանթը, որոնք նույնպես վերադարձել են իրենց դերերին ֆիլմի երկրորդ մասում, չեն երևացել դրվագի նկարահանման հրապարակում:
«Սատանան կրում է Պրադա 2»-ի պրեմիերան նախատեսված է 2026 թվականի մայիսի 1-ին:
