Թուրքիան ՀՆԱ-ից ամենաքիչ ընտանեկան աջակցություն տրամադրող պետությունների թվում է

«Տնտեսական համագործակցության և զարգացման կազմակերպության» (OECD) վերջին զեկույցը ցույց է տալիս, որ Թուրքիան ընտանիքներին աջակցելու համար հատկացնում է ՀՆԱ-ի ընդամենը 0,5%-ը: Այս մասին տեղեկացնում է ermenihaber.am-ը։

Այս ցուցանիշով Թուրքիան դառնում է աշխարհի պետությունների թվում վերջինը:

Այս հարցում որպես առաջատար երկրներ նշվում են Ֆրանսիան, Շվեդիան և Լյուքսեմբուրգը, որոնք իրենց ՀՆԱ-ի 3,4%-ն են ծախսում ընտանիքների վրա։ Դրանց միջին մակարդակում հաջորդում են Գերմանիան և Բելգիան՝ ՀՆԱ-ի 3,2%-ի հատկացմամբ։

ՀՆԱ-ի ամենաքիչ մասը հատկացնող պետություններ ցուցակում են ԱՄՆ-ն, Կոստա Ռիկան (1,0%), Մեքսիկան (0,6%) և Թուրքիան՝ 0,5%-ով։

Զեկույցում ընդգծվում է, որ ՀՆԱ-ի հաշվին տրամադրվող աջակցությունը ներառում է երեխաների նպաստներ, ծնողական արձակուրդի վճարումներ և երեխայի խնամքի ծախսերի փոխհատուցում։