«Փաշինյանն ամեն ինչ արեց, որ ալիևյան Ադրբեջանի կողմից որդեգրած Հայաստանից շարունակաբար միակողմանի զիջումներ կորզելու ռազմավարությունը հաստատվի որպես ՀՀ-ի ու հայերի հետ հարաբերվելու ամենաարդյունավետ միջոց»
Էդուարդ Աբրահամյանը ֆեյսբուքյան իր էջում գրում է. «Ըստ էության, Նիկոլ Փաշինյանն ամեն ինչ արեց, որ ալիևյան Ադրբեջանի կողմից որդեգրած Հայաստանից շարունակաբար միակողմանի զիջումներ կորզելու ռազմավարությունը վերջնականապես հաստատվի որպես Հայաստանի ու հայերի հետ հարաբերվելու ամենաարդյունավետ ու քաղաքական-ռազմական ռեսուրսի տեսանկյունից ամենաէժան մոդել-միջոց։
Այս ամբողջական հնազանդվածության և պահաջ-քմահաճույքների հարմարեցման վարքագծային պարադիգման Նիկոլ Փաշինյանը ներսում նույնիսկ կարողացավ հրամցնել որպես «խաղաղություն», որն արդեն հաստատվել է։
Հայկանան այսպիսի յուրօրինակ «խաղաղության» մոդել, որին «այլընտրանք չկա»։
Եվ հենց այս պարադիգմատիկ մոդելի ուժով պարտադրված «խաղաղության» փիլիսոփայության մեջ միայն կարող է հետևյալ միտքը հնչել ռացիոնալ. «[Մի] ձգտեք հաղթանակի, որովհետև անխուսափելիորեն կպարտվեք»,- ՆՓ»։
