Մեկնարկել է «Վահե Մելիքսեթյան» հիմնադրամի ամենամյա անվանական կրթաթոշակների հայտերի ընդունումը
2025-2026 ակադեմիական տարվան ընդառաջ հայտարարվել է «Վահե Մելիքսեթյան» կրթաբժշկական հիմնադրամի կողմից տրամադրվող ամենամյա անվանական կրթաթոշակների հայտերի ընդունումը։ Կրթաթոշակը փոխհատուցում է ընտրված դիմորդների ուսման վարձի մինչև 100%-ը։
Ինչպես նախորդ տարի, կրթաթոշակների մրցույթին կարող են մասնակցել՝
- ԵՊԲՀ Դեղագիտության ֆակուլտետի բակալավրի և մագիստրատուրայի առկա ուսուցմամբ սովորող ուսանողները, և կլինիկական ֆարմակոլոգիայի օրդինատորները՝ ֆարմացիա մասնագիտացմամբ,
- ԵՊՀ Ֆարմացիայի ինստիտուտի առկա ուսուցմամբ սովորող ուսանողները։
Հայտերը կընդունվեն հիմնադրամի կայքով մինչև սեպտեմբերի 30-ը ներառյալ:
Նախորդ 4 տարիների ընթացքում «Վահե Մելիքսեթյան» կրթաբժշկական հիմնադրամը ՀՀ կրթական և գիտահետազոտական ոլորտներում իրականացրել է ավելի քան 41,000,000 ՀՀ դրամի ներդրում:
«Վահե Մելիքսեթյան» կրթաբժշկական հիմնադրամը ստեղծվել է 2021 թվականին՝ Հայաստանում կլինիկական դեղագիտությունը զարգացնելու նպատակով։ Հիմնադրամի առաքելությունն է կյանքի կոչել 2020 թվականի Արցախյան պատերազմում զոհված կլինիկական դեղագետ Վահե Մելիքսեթյանի մասնագիտական երազանքը։
