Օվերչուկը հաջորդ շաբաթվա վերջին կհանդիպի ադրբեջանական կողմի հետ
Ռուսաստանի փոխվարչապետ Ալեքսեյ Օվերչուկը հաջորդ շաբաթվա վերջին շփումներ է նախատեսում ադրբեջանական կողմի հետ։
Հարցին` արդյոք հանդիպումը լինելու է Բաքվում, Օվերչուկը պատասխանել է, որ հանդիպումը կկայանա Ռուսաստանում։
Մինչ այդ նա լրագրողներին հայտնել էր, որ հաջորդ շաբաթ կայցելի Երևան, որտեղ, ի թիվս այլ հարցերի, կքննարկվեն Հարավային Կովկասում տրանսպորտային հաղորդակցությունների ապաշրջափակմանն առնչվող հարցեր։
«Հաջորդ շաբաթվա վերջին հանդիպում եմ նախատեսում նաև ադրբեջանական կողմի հետ։ Այնտեղ նույնպես կքննարկենք այդ հարցերը։ Այնպես որ, շարժ կա», – ասել է նա։
ՌԴ փոխվարչապետը նշել է, որ կքննարկվի ՌԴ–ի, Հայաստանի և Ադրբեջանի միջև տրանսպորտի վերաբերյալ եռակողմ հանդիպման ձևաչափը։
