Անջելինա Ջոլին կգլխավորի «Միստր և միսիս Սմիթ»-ի ռեժիսորի նոր լրտեսական թրիլերը
The Hollywood Reporter-ը հաղորդում է Անջելինա Ջոլիի և «Միստր և միսիս Սմիթ» լրտեսական ֆիլմի ռեժիսոր Դագ Լայմանի վերամիավորման մասին: Տանդեմը կաշխատի նոր՝ «Նախաձեռնություն» (The Initiative) ֆիլմի վրա։
Սյուժեի համաձայն՝ նորեկ գործակալ Չարլին դառնում է փորձառու մասնագետ Բրայթի (Ջոլի) աշակերտը, ով մենակ է աշխատում: Շուտով երկու հերոսների հարաբերությունները վերածվում են գոյատևման վտանգավոր խաղի:
Սցենարի հեղինակը Ֆ. Սքոթ Ֆրեյզերն է: Universal Pictures-ը կզբաղվի «Նախաձեռնությունը» ֆիլմի տարածմամբ: Թողարկման ճշգրիտ ամսաթիվը չի նշվում:
