Նիդեռլանդներում օդապարիկի վթարային վայրէջքի հետևանքով կա զոհ և վիրավորներ
Նիդեռլանդների Ֆրիսլանդիա նահանգի Դե Հուվ գյուղում օդապարիկի վթարի հետևանքով մեկ մարդ զոհվել է, հինգը՝ վիրավորվել։Այս մասին հայտնում է նիդեռլանդական De Telegraaf պարբերականը։
Վթարի ժամանակ օդապարիկում գտնվել է 34 մարդ։ Հաղորդվում է, որ երկու մարդ կոտրվածքներով տեղափոխվել է հիվանդանոց։
Դեպքի վայր են մեկնել երկու բժշկական ուղղաթիռ և առնվազն 14 շտապօգնության մեքենա:
Հոլանդական թագավորական օդապարիկների ասոցիացիայի տվյալներով՝ օդաչուն շատ փորձառու էր, և օդապարիկը կոկիկ վայրէջք է կատարել գետնին։ Սակայն ուժգին քամին նրան շարժման մեծ արագություն է տվել։
Տեսանյութերում երևում է, թե ինչպես է քամին հսկայական զամբյուղը տասնյակ մետրեր քարշ տալիս մարգագետնով։
Ավիացիոն ոստիկանությունը հետաքննում է միջադեպի հանգամանքները։
