Իրանի ԱԳ նախարարը Թեհրանում բանակցություններ է վարել Ռուսաստանի ԱԳՆ Կովկասի հարցերով հատուկ ներկայացուցչի հետ
Իրանի ԱԳ նախարար Սեյեդ Աբբաս Արաղչին Թեհրանում բանակցություններ է վարել Ռուսաստանի ԱԳՆ Կովկասի հարցերով հատուկ ներկայացուցիչ Իգոր Խովաևի հետ։
Քննարկել են տարածաշրջանի վերջին զարգացումները, հաստատել՝ տարածաշրջանային և միջազգային կարևոր հարցերի շուրջ Մոսկվայի և Թեհրանի դիրքորոշումները համընկնում են և ընդգծել խորհրդակցությունների և փոխգործակցության շարունակման անհրաժեշտությունը:
Աբբաս Արաղչին հայտարարել է, որ Իրանը հավատարիմ է Հայաստանի և Ադրբեջանի միջև հարաբերությունների խաղաղ կարգավորմանը, այդ թվում՝ 3+3 ձևաչափի շրջանակում՝ Կովկասյան տարածաշրջանում անվտանգության, կայունության և համագործակցության ամրապնդման համար:
Իգոր Խովաևը փոխանցել է Սերգեյ Լավրովի ողջույնը և տեղեկացրել Հարավային Կովկասում խաղաղության և կայունության ապահովմանն ուղղված Ռուսաստանի դիվանագիտական ջանքերի մասին:
