Մեծ Բրիտանիան պատժամիջոցների նոր փաթեթ է պատրաստում Ռուսաստանի դեմ
Մեծ Բրիտանիայի վարչապետ Քիր Սթարմերը հայտարարել է, որ Լոնդոնը Ռուսաստանի դեմ պատժամիջոցների նոր փաթեթ է պատրաստում։
«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, հղում անելով «Guardian» թերթին, այս մասին Քիր Սթարմերը հայտարարել է ԱՄՆ-ի և Եվրոպայի առաջնորդների հետ հեռախոսազրույցների արդյունքներով։
«Մենք պատրաստ ենք մեծացնել ճնշումը Ռուսաստանի վրա, մասնավորապես՝ տնտեսական ոլորտում, պատժամիջոցների միջոցով, իսկ անհրաժեշտության դեպքում՝ ավելի լայն միջոցառումներով: Այս միջոցառումների ազդեցությունն ակնհայտ է, և Մեծ Բրիտանիան պատրաստում է կոշտ պատժամիջոցների հաջորդ փաթեթը», -ասել է Մեծ Բրիտանիայի վարչապետը։
