Հայտնի է՝ ովքեր են ապահովելու Պուտինի անվտանգությունն ԱՄՆ այցի ժամանակ
Ռուսաստանի նախագահ Վլադիմիր Պուտինի Ալյասկա այցի ընթացքում նրա անվտանգությունը կապահովեն նրա անձնական անվտանգության աշխատակիցները և ԱՄՆ գաղտնի ծառայությունը, ՏԱՍՍ-ին ասել է ԱՄՆ գաղտնի ծառայության նախկին բարձրաստիճան պաշտոնյա Ռոբերտ Մաքդոնալդը։
Նրա խոսքով՝ նման պրակտիկան ստանդարտ է, և երկրների միջև քաղաքական տարաձայնությունները դրա վրա ազդեցություն չունեն։ Որպես օրինակ՝ Մաքդոնալդը բերել է Նյու Յորքում ՄԱԿ-ի Գլխավոր ասամբլեայի տարեկան նստաշրջանը, որտեղ տասնյակ երկրների, այդ թվում՝ Միացյալ Նահանգների քաղաքական հակառակորդների անվտանգության աշխատակիցները ներդաշնակ և արդյունավետ կերպով փոխազդում են։
