Իրանում նորածիններն այսուհետև կկարողանան կրել թուրքական անուններ
Իրանի նախագահ Մասուդ Փեզեշքյանը հրահանգել է հանել նորածիններին թուրքական անուններ դնելու սահմանափակումները։ Այդ քայլով նա չեղարկել է թուրքական անունների վրա եղած շուրջ կեսդարյա արգելքը։ Այս մասին տեղեկացնում է ermenihaber.am-ը։
Այս որոշումն Իրանի նախագահը կայացրել է՝ առաջնորդվելով «Իմ երեխայի անունը» նախաձեռնության ստորագրահավաքի (15.761 մարդ) արդյունքներով:
Նշենք, որ Իրանում ապրող ադրբեջանցի թուրքերի շրջանում հաճախ խնդիր էր առաջանում թուրքական անունների պաշտոնական գրանցման հարցում։
