Ռումինիան Ռուսաստանին կասկածում է երկիր մատակարարվող ադրբեջանական նավթը դիտավորյալ աղտոտելու մեջ
Ռումինիայի իշխանությունները կասկածում են, որ Ռուսաստանը հիբրիդային դիվերսիոն գործողություն է իրականացրել՝ աղտոտելոով Բաքու-Թբիլիսի-Ջեյհան խողովակաշարով նախ Թուրքիա, ապա տանկերներով Եվրոպային մատակարարվող ադրբեջանական նավթի մեծ ծավալը, գրում է տեղական G4Media հրատարակությունը։
Արդյունքում, 184,000 տոննա ադրբեջանական նավթի խմբաքանակը, որը պետք է հասներ Ռումինիայի Կոնստանցա նավահանգիստ, չի ընդունվել, ինչը հանգեցրել է հումքի ժամանակավոր պակասի Petrobrazi վերամշակման գործարանում, հայտնել են աղբյուրները։
Հուլիսի 22-ին ավստրիական OMV էներգետիկ խումբը, իտալական Eni ընկերությունը և չեխական Orlen Unipetrol ընկերությունը հայտնել են Ադրբեջանից եկող հում նավթի օրգանական քլորիդով աղտոտման մասին, հաղորդում է Reuters-ը։
G4Media-ի աղբյուրները ենթադրում են, որ նավթի աղտոտումն այդ խողովակաշարի վրա ռուսական դիվերսիոն գործողության արդյունք է. Դա անելու համար կպահանջվեր խողովակաշարի մեջ մի քանի ցիստերն քլոր լցնել։
