Պակ Չան-Ուկը հեռացվել է Ամերիկայի սցենարիստների գիլդիայից
Կորեացի ռեժիսոր Պակ Չան-Ուկը հեռացվել է Ամերիկայի սցենարիստների գիլդիայից՝ 2023 թվականի գործադուլի ժամանակ «Կարեկցողը» մինի-սերիալի վրա աշխատելու համար։ Այս մասին հաղորդում է Deadline-ը: Դոն Մաքքելարը, որը համահեղինակել է նախագիծը, նույնպես հեռացվել է գիլդիայից։
Չան-Ուկի հեռանալը սցենարիստների գիլդիայից կարող է մեծ հարված լինել նրա հոլիվուդյան կարիերային։ Նա այլևս չի կարողանա աշխատել այնպիսի հսկաների հետ, ինչպիսիք են Netflix-ը, HBO-ն, Disney-ը և այլ խոշոր ամերիկյան մեդիա հարթակներ։
