Թուրքիայում երկրաշարժի հետևանքով զոհվել է մեկ մարդ
Թուրքիայի արևմտյան Բալըքեսիրի շրջանում օգոստոսի 10-ին գրանցված 6,1 մագնիտուդով երկրաշարժի հետևանքով մահացել է մեկ մարդ, 29-ը վիրավորվել են։ Այս մասին հայտնում է թուրքական «Անադոլու» գործակալությունը։
Թուրքիայի ներքին գործերի նախարար Ալի Երլիքայան հայտնել է, որ մահացածը 81-ամյա տղամարդ է։ Նախարարը տեղեկացրել է նաև, որ վիրավորներից ոչ մեկի վիճակը ծանր չէ։ Երկրաշարժի հետևանքով քանդվել է 16 տուն, որոնցից 12-ը լքված տներ են եղել։
Հայտնի է, որ երկրաշարժի օջախը գտնվել է 11 կմ խորության վրա։ Ցնցումները զգացվել են 20-30 վայրկյան Թուրքիայի արևմտյան 10 նահանգներում, այդ թվում և Ստամբուլում։
