Լուկաս Սելարայանը արգենտինական ակումբի կազմում դարձել է գոլի հեղինակ
Հայաստանի ֆուտբոլի ազգային թիմի հարձակվող Լուկաս Սելարայանը դարձել է գոլի հեղինակ արգենտինական «Բելգրանո» ֆուտբոլային ակումբի կազմում:
Արգենտինայի ֆուտբոլի առաջնության 4-րդ տուրում «Բելգրանո»-ն, որտեղ հանդես է գալիս Սելարայանը, մրցել է «Բանֆիլդ»-ի հետ` առավելության հասնելով 2:1 հաշվով։
«Բելգրանո»-ի երկրորդ գոլը 48-րդ րոպեին խփել է Հայաստանի ֆուտբոլի ազգային թիմի հարձակվող Լուկաս Սելարայանը։
