«Արարատ-Արմենիա»-ն զիջեց «Սպարտա»-ին
Ֆուտբոլի Կոնֆերենցիաների լիգայի որակավորման երրորդ փուլի առաջին խաղում Հայաստանի փոխչեմպիոն «Արարատ-Արմենիա»-ն արտագնա խաղում մրցեց Պրահայի «Սպարտա»-ի հետ։
«Արարատ-Արմենիա»-ին հաջողվեց առաջինը բացել հանդիպման հաշիվը: 7-րդ րոպեին աչքի ընկավ Բալատան: «Սպարտա»-ին հաջողվեց մինչ խաղակեսի ավարտը երկու գնդակ ուղարկել հայկական թիմի դարպասը: Հաջորդաբար գոլերը խփեցին Հարասլին ու Կաիրինեն:
Երկրորդ խաղակեսում «Արարատ-Արմենիա»-ն առավել ակտիվ էր, սակայն չեխական թիմին հաջողվեց ևս երկու գնդակ ուղարկել մրցակցի դարպասը: Գոլերն իրենց ակտիվում գրանցեցին Կուչտան ու Բիրմանչևիչը:
«Սպարտա»-«Արարատ-Արմենիա»` 4:1:
Թիմերի պատասխան հանդիպումը կկայանա մեկ շաբաթ անց:
