«Բարսելոնայի» ֆուտբոլիստները զարմացած են Տեր Շտեգենի վարքագծով
Կատալոնական «Բարսելոնայի» ֆուտբոլիստներին զարմացրել է թիմի դարպասապահներից և ավագներից մեկի՝ Մարկ-Անդրե տեր Շտեգենի պահվածքը. վերջինս հրաժարվել է ստորագրել բժշկական եզրակացությունը, որը ակումբը պատրաստվում էր փոխանցել Լա Լիգայի Բժշկական կոմիտեին։ Այս մասին հաղորդում է AS-ը։
Հիշեցնենք, որ ավելի վաղ մի շարք ԶԼՄ-ներ հաղորդել էին, թե «Բարսելոնայի» ղեկավարությունը քննարկում է տեր Շտեգենին թիմի ավագի կարգավիճակից զրկելու հնարավորությունը։ Դարպասապահի թիմակիցներին զարմացրել է, որ տեր Շտեգենն իրենց աջակցությունից հետո հրաժարվել է ստորագրել ակումբի համար կարևոր փաստաթուղթը:
Հուլիսի վերջին 33-ամյա դարպասապահը մեջքի հաջող վիրահատության է ենթարկվել։ Նրա վերականգնման ընթացքը կարող է տևել չորս ամիս։
