Թրամփն ասել է՝ ով կարող է լինել իր ամենահավանական իրավահաջորդը
ԱՄՆ նախագահ Դոնալդ Թրամփը համաձայնել է, որ փոխնախագահ Ջեյ Դի Վենսն իր ամենահավանական իրավահաջորդն է, սակայն չի բացառել այլ թեկնածուների։ Այս մասին նա ասել է լրագրողների հետ զրույցում, որի տեսանյութը տարածել է NBC News-ը։
«Կարծում եմ՝ դա շատ հավանական է։ Ի վերջո, նա փոխնախագահն է…. Նա, անշուշտ, հիանալի աշխատանք է կատարում և, հավանաբար, այս պահին ֆավորիտը կլինի», – ասել է Թրամփը։
Նա հավելել է, որ կան այլ թեկնածուներ՝ մասնավորապես առանձնացնելով պետքարտուղար Մարկո Ռուբիոյին։
«Ակնհայտ է, որ դեռ շատ վաղ է խոսել այդ մասին», – ասել է Թրամփը։
