Էրդողանը Մեծ Բրիտանիայի վարչապետի հետ տարածաշրջանային հարցեր է քննարկել
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Մեծ Բրիտանիայի վարչապետ Քիր Սթարմերի հետ։ Երկկողմ հարաբերություններին զուգահեռ քննարկվել են տարածաշրջանային ու գլոբալ հարցեր։ Այս մասին տեղեկացնում է ermenihaber.am-ը։
Էրդողանը, անդրադառնալով Գազայում տիրող իրավիճակին, նշել է, որ այնտեղ հումանիտար իրավիճակը հասել է ծայրահեղ կետի և ընդգծել, որ այդ ամենի նկատմամբ անտարբեր չմնալը մարդկության պարտավորությունն է։
Թուրքիայի նախագահը նաև նշել է, որ Թուրքիան պարբերաբար հումանիտար օգնություն է ուղարկում Գազա և աջակցում միջնորդների ջանքներին՝ տարածաշրջանում հրադադար հաստատելու համար։
Բացի այդ Էրդողանը շնորհավորել է Մեծ Բրիտանիայի վարչապետին Պաղեստին պետությունը ճանաչելու վերաբերյալ նրա հայտարարությունների համար։
