Տիրապետում եմ տեղեկատվության, որ Սյունիքի ճանապարհի հարցն Ադրբեջանի պահանջով է ներառվել նոյեմբերի 9-ի 9-րդ կետում. Քոչարյան
Սյունիքի ճանապարհի արտապատվիրակման հարցն արդեն քննարկման սեղանին է դրված։ Այս մասին «5–րդ ալիքին» տված հարցազրույցում ասաց ՀՀ երկրորդ նախագահ Ռոբերտ Քոչարյանը:
«Այստեղ իհարկե, ակնհայտ աբսուրդայնություն կա, որ Սյունիքի ճանապարհը կամ միջանցք կոչվածը ինչու է այսօր քննարկման թեմա դեռ մնում բանակցային սեղանի վրա։ Ես ուղղակի տիրապետում եմ այդ ինֆորմացիային, որ այդ ճանապարհի թեման Ադրբեջանի պահանջով դարձել է նոյեմբերի 9–ի հայտարարության 9–րդ կետ՝ սիմետրիա ստեղծելու համար Լաչինի միջանցքի հետ։ Լաչինը միջանցք էր 5 կմ–ոց, որի վրա Ադրբեջանը ոչ մի վերահսկողություն չուներ: Դրա ասիմետրիկ տարբերակը եղավ Ադրբեջանը Նախիջևանին կապող ճանապարհը։ Հիմա Ղարաբաղը չկա, Լաչինի միջանցքը չկա, բայց այդ թեման ինքն իրենով շարունակում է ապրել»,- ասաց Քոչարյանը:
