«ՀՀ 3 միլիոն քաղաքացիներից յուրաքանչյուրը վճարել է 2 դոլար, որպեսզի մի քանի հազար հպարտ քաղաքացի հնարավորություն ունենա մոտիկից տեսնել Ջենիֆեր Լոպեսի բարեմասնությունները». Արմեն Մինասյան
Քաղաքական վերլուծաբան Արմեն Մինասյանը ֆեյսբուքյան իր էջում գրում է․
«ՀՀ 3 միլիոն քաղաքացիներից յուրաքանչյուրը վճարել է 2 դոլար, որպեսզի ՀՀ մի քանի հազար հպարտ քաղաքացի հնարավորություն ունենա (լինենք անկեղծ) մոտիկից տեսնել Ջենիֆեր Լոպեսի բարեմասնությունները:
Իմ հայրական գյուղի բնակչությունը մոտ 2500 մարդ է, ասել է թե` մեր գյուղը ջեյլոյի համերգի վրա կծախսի մոտ 5000 դոլար, գործնականում ոչ ոք համերգը չի լսի, իսկ նրանց մեծ մասը նույնիսկ չգիտի, որ նման արտիստ կա: Մինչդեռ այդ գումարը գյուղի միջին ընտանիքի տարեկան եկամուտն է:
Այսինքն` հանրային բարիքի բաշխման ու էֆեկտիվ որոշումների հարցում մեր երկրի կառավարությունը, պարզապես «չեմպիոն միռա»:
Զավեշտն այն է, որ անվտանգության, կոմունիկացիաների ու մնացած հարցերում ևս մոտեցումը նույնն է»:
