Թրամփը բարձրացրել է Կանադայի նկատմամբ մաքսատուրքերը, Քարնին արձագանքել է
ԱՄՆ նախագահ Դոնալդ Թրամփը հրամանագիր է ստորագրել Կանադայի համար մաքսատուրքերը 25%-ից մինչև 35% բարձրացնելու մասին: Այս մասին ասվում է Սպիտակ տան հրապարակած կատարողական հրամանագրում։
Նշվում է նաև, որ ավելի բարձր մաքսատուրքը պետք է ուժի մեջ կմտնի 2025 թ. օգոստոսի 1-ից։
Ըստ փաստաթղթի՝ Թրամփը նման քայլի է դիմել այն պատճառով, որ Կանադան չի համագործակցել ֆենտանիլի շարունակական հոսքն ԱՄՆ հյուսիսային սահմանով զսպելու հարցում։ Բացի այդ, ըստ հրամանագրի՝ Կանադան ջանքեր է գործադրել, որպեսզի պատասխան միջոցներ ձեռնարկի ԱՄՆ-ի դեմ, որը քայլեր էր ձեռնարկում թմրանյութերի սպառնալիքը վերացնելու ուղղությամբ։
Հայտարարության մեջ ընդգծվում է, որ ապրանքները, որոնց վրա տարածվում է մաքսատուրքերի արտոնյալ ռեժիմը ԱՄՆ-ի, Մեքսիկայի և Կանադայի միջև համաձայնագրով, նախկինի պես ենթակա չեն նոր մաքսատուրքերի գործողությանը։
Կանադայի վարչապետն արձագանքել է Վաշինգտոնի այս քայլին՝ նշելով, որ երկրի կառավարությունը «հիասթափված է» և կշարունակի բանակցություններն ԱՄՆ-ի հետ առևտրային հարաբերությունների շուրջ։
X հարթակում հրապարակած հայտարարության մեջ Քարնին նաև նշել է, որ իր կառավարությունը կենտրոնացած է ուժեղ Կանադա կառուցելու վրա՝ ներդրումների և արտահանման շուկաների դիվերսիֆիկացման միջոցով։
